ជឿជាក់ថា ប្រិយមិត្តពិតជាបានស្គាល់ ស្រីស្អាត ហេង សុទ្ធនិស្ស័យ ដែលនាងជាជយលាភីរង១ នៃកម្មវិធី Miss Universe Cambodia 2022 និងត្រូវបានជ្រើសរើសក្លាយជាស្រ្តីខ្មែរដំបូងតំណាងឱ្យកម្ពុជា ចេញទៅប្រកួត Miss ECO international 2022 នៅប្រទេសអេស្ស៊ីប តែគួរឱ្យសោកស្តាយ ពេលនោះនាងបានសម្រេចចិត្តបោះបង់ការចេញទៅប្រកួតលើឆាកអន្តរជាតិ ដោយសារគ្មានពេលវេលាគ្រប់គ្រាន់ ម៉្យាងចង់យកពេលផ្តោតលើការងារផ្ទាល់ខ្លួនផង។ ក្រោយមក និស្ស័យ បានចូលរួមសម្ភាសន៍កម្មវិធីសិល្បៈបន្តិចបន្តួចប៉ុណ្ណោះ ក៏បាត់មុខមួយរយៈទៅធ្វើឱ្យហ្វេនៗងើយឆ្ងល់ជាខ្លាំង។
បាត់មុខមួយរយៈ តារាស្រីដែលគ្រប់គ្នាតែងសរសើរពីបុគ្គលិកលក្ខណៈ និងការអប់រំរូបនេះ ស្រាប់តែលេចមុខធ្វើជា BA ផលិតផលថ្មីរបស់ HK7 របស់អ្នកស្រី អ៊ឹម សុគន្ធា ជាអ្នកគ្រប់គ្រងថ្មីរបស់កម្មវិធី Miss Grand Cambodia 2023។
គួររំលឹកផងដែរថា មុនពេលសម្រេចចិត្តចាកចេញពីវិស័យបវរកញ្ញា ហេង សុទ្ធនិស្ស័យ ធ្លាប់បានចូលរួមប្រកួតប្រជែងកម្មវិធីសម្រស់ច្រើនគួរសម និងទទួលបានពានរង្វាន់ជាច្រើនផងដែរ។ ជាក់ស្តេង នាងជាអតីតកញ្ញាឯក Miss University 2016 ចំណាត់ថ្នាក់លេខ ២ និងធ្លាប់បានចូលរួមប្រកួតកម្មវិធី Miss Cosmopolitan World 2016 នៅប្រទេសម៉ាឡេស៊ី ដែលទទួលបានពាន ២ គឺពាន Best in talent & Best Eyebrows និងកាលពីឆ្នាំ ២០២០ កញ្ញាក៏បានតំណាងឲ្យកម្ពុជាចូលប្រលងកម្មវិធី Miss Earth International ដែលឈ្នះមេដាយមាស The Best In Talent Show ហើយក្នុងពេលថ្មីៗនេះ កញ្ញាក៏បានប្រលងក្នុងកម្មវិធី Miss Universe Cambodia ២០២២ ទទួលបានលំដាប់រងទី១ ។ ក្រៅពីមានសម្រស់ស្អាតហើយ និស្ស័យក៏អាចច្រៀងបានយ៉ាងពីរោះមិនថាបទចម្រៀងខ្មែរ និងបរទេស៕