មិនមែនតែអ្នកគាំទ្រ! សូម្បីតារាសម្ដែងប្រុសជួរមុខកូរ៉េប៉ុន្មានដួងនេះក៏ស្រឡាញ់បទ “Standing Next to You” របស់ Jungkook ដែរ

អ្នកគាំទ្រភាគច្រើនដឹងរួចមកហើយថា Jungkook កូនពៅប្រចាំក្រុម BTS មានសមត្ថភាពខ្លាំងដោយមិនថាតែការងារជាក្រុម សូម្បីតែពេលមាន​សកម្មភាពជាសិល្បករទោលក៏តារា​ប្រុស​រូបនេះ មិនធ្វើឱ្យអ្នកគាំទ្រខកបំណងដែរ មានតែស្រឡាញ់គាំទ្រ និងកោតសរសើរបន្ថែមទៀតជាមួយនឹងរសនិយមតន្រ្ដីថ្មីៗប្លែកៗមិនចេះជាន់គ្នា។

ប៉ុន្តែមិនមែនមានតែអ្នកគាំទ្រប៉ុណ្ណោះទេ សូម្បីតែតារាសម្ដែងប្រុសល្បីៗជួរមុខរបស់ប្រទេសកូរ៉េក៏នាំគ្នាស្រឡាញ់ចូលចិត្តបទចម្រៀងរបស់ Jungkook ដែរ ជាពិសេសបទ “Standing Next to You”។ ដូច្នេះចង់ដឹងថាតួ​ឯកប្រុសល្បីៗមានអ្នកណាខ្លះ ហើយមូលហេតុអ្វីបានជាស្រឡាញ់បទចម្រៀងមួយនេះខ្លាំងបែបនេះ មកតាមដានជាមួយ​ AMS ទាំងអស់គ្នា៖

១. Lee Jung Jae

តារាសម្ដែងជើងចាស់ Lee Jung Jae ដែលប្រិយមិត្តស្គាល់តាមរយៈការដើរជាតួ​ឯកប្រុសក្នុងរឿង Squid Game របស់ Netflix បានបើកចំហរថាបទ “Standing Next to You” របស់ Jungkook គឺជាបទចម្រៀងដែលផ្ដល់កម្លាំងដល់លោកយ៉ាងខ្លាំង។ Lee Jung Jae បានបន្ដថាមិនត្រឹមតែបទចម្រៀងនោះទេ សូម្បីតែ Jungkook ផ្ទាល់ក៏ជាតារាចម្រៀងម្នាក់ដែលមានឥទ្ធិពលម្នាក់ ហើយលោកថែមទាំងផ្ដល់ឱ្យអ្នកស្ដាប់នូវអ្វីដែលលើសពីតន្រ្ដីទៀតផង។

២. Wi Ha Joon

ចំពោះតួឯកប្រុសក្នុងរឿង Bad and Crazy ក៏បានសម្ដែងការកោតសរសើររបស់ខ្លួនថា បទចម្រៀងរបស់កូនពៅ BTS មួយនេះមិនត្រឹមតែមានអត្ថន័យ និងពីរោះនោះទេ ប៉ុន្តែថែមទាំងមានក្បាច់រាំទាក់ទាញដ៏អស្ចារ្យទៀតផង។ លោកបានបន្ថែមថាមួយរយៈក្រោយនេះលោកពិតជក់ចិត្តស្ដាប់បទចម្រៀង “Standing Next to You” ខ្លាំងណាស់ ហើយក៏បានរៀនរាំដែរ។ បើទោះជាក្បាច់រាំមានភាពលំបាកមែន តែលោកបានព្យាយាមហាត់រាំឱ្យអស់ពីសមត្ថភាព ដើម្បីត្រៀមទុកជាចំណងដៃជូនអ្នកគាំទ្រ។

៣. Lee Joongi

Lee Joongi, famous Korean actor again performed Jungkook’s Standing Next To You in his Japanese fanmeetingpic.twitter.com/A4vKHsd1GO

— Jungkook SNS  (@Jungkook_SNS) June 14, 2024

ភាពល្បីល្បាញរបស់តួឯកប្រុស Lee Joongi ត្រូវបានគេទទួលកាន់តែខ្លាំងបន្ទាប់ពីសម្ដែងនៅក្នុងខ្សែភាពយន្ដបែបកំសត់ Moon Lovers: Scarlet Heart Ryeo និងងភាពយន្តបែបរន្ធត់ដូចជា Lawless Lawyer។ ក្នុងកម្មវិធីជួបជុំអ្នកគាំទ្រនៅប្រទេសជប៉ុន លោកបានលើកយកបទ “Standing Next to You” មកសម្ដែងជូនអ្នកគាំទ្រ។ ក្នុងនាមជាតារាចម្រៀង និងតារាសម្ដែង ការជ្រើសរើសសម្ដែងបទចម្រៀងរបស់ Jungkook មកសម្ដែងគឺលោកចង់បញ្ជាក់ពីប្រជាប្រិយភាព ជាពិសេសលោកក៏ចង់បង្ហាញពីរបៀបដែលបទចម្រៀងមួយនេះ ផ្សារភ្ជាប់ផ្នែកផ្សេងៗក្នុងវិស័យកម្សាន្ដចម្រុះពីតន្ដ្រីរហូតដល់ការសម្ដែង។

៤. Kang Ki Young

Korean Actor Kang Ki-Young performed Jungkook's 'Standing Next To You' on his Japan fanmeeting.#Jungkook_StandingNextToYou

pic.twitter.com/5rkPWh0KzV

— 𝙅𝙆 𝘼𝙨𝙞𝙖 STREAM JUNGKOOK (@AsiaJK97) March 18, 2024

នៅក្នុងកម្មវិធីជួបជុំអ្នកគាំទ្រនៅប្រទេសជប៉ុន តួឯកប្រុសក្នុងរឿង Extraordinary Attorney Woo បាន​នាំ​យក​បទ “Standing Next to You” ទៅសម្ដែងបង្ហាញជូនអ្នកគាំទ្របានទស្សនា។ Kang Ki Young បានឱ្យដឹងថាការជ្រើសរើស​យកបទចម្រៀងមួយនេះមកសម្ដែង គឺលោកចង់ឆ្លុះបញ្ចាំងពីភាពអស្ចារ្យរបស់ “Standing Next to You” ដោយមិនមែនត្រឹមតែភាពទាក់ទាញរបស់អ្នកចម្រៀង និងក្បាច់រាំប៉ុណ្ណោះទេ ប៉ុន្តែថាមពលដែល Jungkook បានបង្ហាញតាមរយៈ​បទចម្រៀងមួយបទនេះដែរ។ លើសពីនេះ លោកបានបន្ថែមថាបទ “Standing Next to You” ជាប្រភពនៃភាពវិជ្ជមាន និងការលើកទឹកចិត្តដល់លោកជាពិសេសទៀតផង។

៥. Jang Ki Yong

Jang Ki Yong ត្រូវបានទស្សនិកជនស្គាល់ថាជាតួឯកក្នុងរឿង “My Roommate Is a Gumiho” និង “We Are Breaking Up” ក៏បានលើកសរសើរពីបទចម្រៀង “Standing Next to You” របស់ Jungkook មិនដាច់ពីមាត់ ថែមទាំងនិយាយ​ថា វាជាបទចម្រៀងដែលត្រូវស្ដាប់ទៀតផង។ តួឯកប្រុសរូបនេះបានចែករំលែកថាបទចម្រៀងមួយនេះត្រូវបានរក្សានៅកន្លែងពិសេសក្នុងបញ្ជីបទចម្រៀងរបស់លោក​ ដោយសារតែការទាក់ទាញយ៉ាងទូលំទូលាយ​។

៦. Ahn Hyo Seop

Ahn Hyo Seop ជាតារាដែលកំពុងរះហើយទទួលបានប្រជាប្រិយភាពតាមរយៈរឿងភាគធំៗដូចជា Business Proposal និង Romantic Doctor, Teacher Kim ជាដើម។ ថ្មីៗលោកបានធ្វើឱ្យអ្នកគាំទ្ររំភើបចិត្តយ៉ាងខ្លាំងក្រោយលើកយកបទរបស់ Jungkook មកសម្ដែងនៅក្នុងកម្មវិធីជួបជុំអ្នកគាំទ្រនៅប្រទេសជប៉ុន។ ធ្លាប់សម្ដែងជាតួអង្គមនោសញ្ចេតនា តាមរយៈការសម្ដែងរបស់ Ahn Hyo Seop ពិតជាបានធ្វើឱ្យអ្នកគាំទ្ររបស់លោកបានឃើញពីផ្នែកផ្សេងទៀតរបស់លោកដែលពោរពេញដោយថាមពលដ៏រស់រវើកដោយលោកបានបញ្ចូលអារម្មណ៍តាមបទចម្រៀងបានយ៉ាងល្អ។

៧. Yeom Jung Ah

មិនមែនមានតារាប្រុសនោះទេ សូម្បីតែតារាស្រីជួរមុខកូរ៉េ Yeom Jung Ah ដែលជាតួសម្ដែងក្នុងរឿង Sky Castle និង The Mimic បានចែករំលែកថា “Standing Next to You” បានក្លាយជាចំណូលចិត្តតន្ត្រីចុងក្រោយរបស់នាង។ ក្នុងបទសម្ភាសមួយនាងបាននិយាយថានាងពិតជារំភើខ្លាំងណាស់ពេលបានឮបទចម្រៀងមួយនេះ។ តាមរយៈការកោតសរសើររបស់នាងបានបញ្ជាក់ថាការសម្ដែងរបស់ Jungkook មានភាពទាក់ទាញខុសប្លែកគ្នា ជាពិសេសបានបន្សល់ទុកនូវចំណាប់អារម្មណ៍ជាច្រើន សូម្បីតែសម្រាប់តារាសម្ដែងចាស់វស្សាក៏ដោយ៕

South Korea’s famous actress Yeom Jeong-ah mentioned ‘Standing Next to You’ as her most recent favorite song. She said “I get so excited whenever I hear the song. Have you seen him perform in New York?”pic.twitter.com/C4KdgTBZDt

— Golden Times (@JJK_Times) August 6, 2024